св. Тихон Задонский. Письма келейные
При сем помянем о Свете, Который явился на земли. Свет Отец, Свет Сын, Свет и Дух Святый, Свет вечный и незаходимый. Свет Сын Божий, Свет от Света, Бог истинный от Бога истинного, явился на земли, и просветил во тьме и сени смертней седящия. О сем Свете написано: людие седящии во тьме видеша Свет велий, и седящим в стране и сени смертней, Свет возсия им (Мф. 4:16).
Сей Свет бе Свет истинный, иже просвещает всякого человека грядущего в мир (Ин. 1:9),- Сей Свет блеснул лучи Свои на горе Фаворстей, когда просветилося лице Его яко солнце, ризы же Его быша белы яко свет (Мф. 17:2). Сей Свет увидевше, Петр святой, так обрадовался, что и с горы святой не хотел снити, но жити тамо хотел: Господи, рече, добро есть нам зде быти, и проч. (Мф. 17:4). Он глаголет о Себе: Аз есмь Свет миру: ходяй по Мне, не имать ходити во тьме, но имать свет животный (Ин. 8:12). И паки: Аз Свет в мир приидох, да всяк, веруяй в Мя, во тьме не пребудет (Ин. 12:46). И паки: сей есть суд, яко Свет прииде в мир, и возлюбиша человецы паче тьму, неже свет; быша бо их дела зла, и проч. (Ин. 3:19). К сему Свету приступили апостоли, и в след Его пошли, пошли святители, мученицы, преподобнии и вси святии и просветилися, и ныне сияют, яко светила во царствии Его. Приступим и мы к Нему, и просветимся, и лица наша не постыдятся. Любовь мира и грех есть тьма: отвратимся от тьмы, и обратимся к свету сему, и возлюбим его, и прилепимся ему, и пойдем вслед его, и не будем ходити во тьме, но будем имети свет животный. Всяк, удаляяйся от света, во тьме ходит: приходяй к свету, во тьме не пребудет. Свет есть Христос: ходяй вслед Христа, не имать ходити во тьме; а не ходяй, неотменно во тьме будет, и имеет заблудити.-
Рассуждай сие.
Спасайся.
