Тропарь : Рождество́ Твое́, Богородице Де́во,/ ра́дость возвести́ всей вселе́нней:/ из Тебе́ бо возсия́ Со́лнце ПРАВДЬI Христо́с Бог наш,/ и, РАЗРУШИВ КЛЯТВУ, ДАДЕ БЛАГОСЛОВЕНИЕ,\ и, упраздни́в сме́рть, дарова́ нам живо́т ве́чный.

Кондак : Иоаки́м и А́нна поноше́ния безча́дства,/ и Ада́м и Ева от тли сме́ртныя свободи́стася, Пречи́стая,/ во святе́м рождестве́ Твое́м./ То пра́зднуют и лю́дие Твои́,/ ВИНЬI ПРЕГРЕШЕНИЙ изба́вльшеся,/ внегда́ зва́ти Ти:\ непло́ды ражда́ет Богоро́дицу и пита́тельницу Жи́зни на́шея.

Седален : ева Мария и Богородица истинно, / яко облак света, днесь возсия нам / и от праведных предгрядет в славу нашу. / НЕ КТОМУ АДАМ ОСУЖДАЕТСЯ, / и Ева от уз свободися, / и сего ради зовем, вопиюще со дерзновением единей Чистей: / радость возвещает рождество Твое всей вселенней.
Песнь 5, Канон 2 : Днесь Ева разрешается осуждения, / разрешается же и неплодство, / и Адам древния клятвы о рождестве Твоем, / Тобою бо от тли избавихомся.
Песнь 6, Канон 2 : Неплоды и матери, ликуйте, / дерзайте и играйте, безчадныя: / безчадна бо неплоды Богородицу прозябает, / Яже избавит от болезней Еву и клятвы Адама
Песнь 7, Канон 2 : Празднуем, Чистая, / и верно покланяемся святому Твоему Рождеству, / поюще Сына Твоего, / Имже избавихомся древняго Адамова ныне осуждения
Песнь 9, Канон 1 : Напраснаго древняго Отъятельницу осуждения и праматере исправление, / Юже рода к Богу вину присвоения, к Зиждителю мост, / Тя, Богородице, величаем.